Aqtóbede asyl tuqymdy ıtter kóshe kezip júr

AQTÓBE. KAZINFORM – Aqtóbede kóshe kezgen buralqy ıtter arasynda buryn úı kúzetken asyl tuqymdy alabaı, tóbetter kóbeıgen. Bul týraly veterınarııa basqarmasynyń ókili aıtyp berdi.

иттер
Фото: Алтынай Сағындықова/Kazinform

Itti aýlaý, kútip ustaý, sterıldeý jáne birdeılendirý jumysy úshin bıyl 101 mln teńge qarastyryldy. Onyń 57 mln teńgesi buralqy ıtti aýlaýǵa jumsalady. Aqtóbe qalasynyń ózinde 10 brıgada aýlaý jumysyn júrgizip jatyr. 

- Adamǵa qaýipti, qoǵamdyq oryndarda qater tóndirgen ıtterdi aryz-shaǵym boıynsha aýlaıdy. Oblys boıynsha janýarlardy ýaqytsha ustaýǵa arnalǵan bir ǵana orny bar. Ol da jeke. Munda ákelingen ıt 12 kúnge qamalady. Tańba» aqparattyq júıesine engizilip, sterıldeý júrgiziledi, vaktsına salynady. Eger ıttiń jaǵdaıy jaqsy bolsa, aýlap alǵan jerge aparady. Byltyr Aqtóbe qalasy boıynsha 15 myń ıt aýlandy. Onyń 299-yn sterıldep, óz mekenine jiberdi,- dedi Aqtóbe oblystyq veterınarııa basqarmasy bóliminiń basshysy Shahıdýlla Rahımov.

ıtter
Foto: Altynaı Saǵyndyqova/Kazinform

Onyń aıtýynsha, tasqyn kezinde de kóp ıt dalada qalǵan. 

- Adamdardyń úıi sýǵa ketti, jańa baspanaǵa kóshti, al ıt ıesiz qaldy. Salqyn túskende de olar qulaǵan úıleriniń janynda júrdi. Qazir qala ishindegi kóshelerge kirgen ári ıttiń uıyǵý ýaqyty bul. Ittiń kóbeıý sebebi – adamdar úıine kamera qondyrady. Al ıtin bos jibergen, qaramaǵan. Oǵan dálel – qalada alabaı, tóbet sekildi asyl tuqymdy janýar júr. Olar buǵan deıin úı kúzetken. Sonymen birge buryn ıt tóbelestirdi, qazir tyıym salynǵan, qyzyǵýshylyq joq. Sonyń bári shyǵarylyp jatyr. Adamdar habarlasqanda «alabaı júr, nemis ovcharkasy júr» dep aıtady,- dedi Shahıdýlla Rahımov.

Eske salsaq, Muǵaljar aýdany Juryn aýylynda buralqy ıtter qoı-eshkini tartyp ketti.

Сейчас читают