Aqtóbede asharshylyq qurbandaryna arnalǵan eskertkish jóndeýden ótýde
AQTÓBE. QazAqparat - Aqtóbede asharshylyq jáne qýǵyn-súrgin qurbandaryna arnalǵan eskertkish qaıta qalpyna keltirilip jatyr, dep habarlaıdy QazAqparat tilshisi.
Aqtóbede ótken jyly 31 mamyrda asharshylyq jáne qýǵyn-súrgin qurbandaryna arnap eskertkish ornatyldy. Buǵan deıin habarlaǵanymyzdaı, músinshi Ahmet Qubaıdyń jobasy úzdik shyǵyp, ashylý saltanatyna qýǵyn-súrgin qurbandarynyń balalary qatysqan bolatyn. Arada bir jylǵa jýyq ýaqyt ótkende eskertkishtiń irgetasy syr berdi.
«Aýa raıyna baılanysty eskertkishtiń irgetasy búline bastady. Sondyqtan merdiger mekemege 2 apta ýaqyt berildi. Osy ýaqyt aralyǵynda irgetasyn qalpyna keltirip, synyp ketken granıt tastardy almastyrady», - dedi Aqtóbe qalalyq turǵyn úı-kommýnnaldyq sharýashylyq bóliminiń sektor meńgerýshisi Dastan Ájibaev.
Aıta keteıik, ótken jyly eskertkishtiń tuǵyry men qabyrǵasyn qalaýǵa bıýdjetten 15 mıllıon teńge qarjy bólingen.
