Aqtóbede as tuzy tapshylyǵy sezile bastady
AQTÓBE. KAZINFORM – Qala turǵyndary iri sýpermarketterden as tuzyn tappaı júr. Al shaǵyn dúkenderde kelisi – 100-120 teńge.
Aqtóbe qalasynyń turǵyndary iri sýpermarket sórelerinen tuz tappaı júr.
Buǵan deıin Qyzylordadan ákelingen tuzdyń kelisin 97-100 teńgege satyp alsa, qazir tek turǵyn úı mańyndaǵy shaǵyn dúkenderden ǵana tabylady. Munda kelisi 100–120 teńge bolyp tur.
- Reseıden tuz tasymaldaý kezinde logıstıkalyq másele bar. Bul jaqyn arada sheshiledi. Qazirgi kezde «Dına» sýpermarketter jelisinde Sol-Iletsk tuzynyń qory – 67 tonna. Al Aral tuzynyń qory – 5 tonna. Kelesi aptada taǵy 60 tonnasy jetkiziledi. Al «Anvar» sýpermarketteriniń qoryna Aral tuzy jetkizildi. Qazirgi kezde jóneltilip jatyr. Erteń sórege qoıylady,- dedi Aqtóbe oblystyq kásipkerlik basqarmasynyń basshysy Almas Salyqbaev.
Eske salsaq, qarasha aıynyń sońynda Oral qalasyndaǵy dúkenderde tuz tapshylyǵy týyndady. Munda tuzdyń negizgi bóligi kórshiles Orynbor oblysy Sol-Iletsk qalasyndaǵy «Rýssol» jaýapkershiligi shekteýli qoǵamynan jetkizilgen. Endi Qyzylordadan tasyp jatyr.