Aqtóbede aryqqa qulaǵan qyzdy qutqarǵandar marapattaldy
AQTÓBE. QazAqparat – Aqtóbe qalasynda aryqqa batyp bara jatqan 12 jasar qyzdy qutqarǵan bes adam marapattaldy, dep habarlaıdy QazAqparat tilshisi.
Oqıǵa 31 naýryz kúni «Batys-2» yqshamaýdanynda bolǵan. Sý tasqyny kezinde 12 jasar oqýshy qyz aryqqa qulap ketedi. Aǵyndy sýǵa batyp bara jatqanyn baıqap qalǵan azamattar qutqaryp qalady. Aǵystyń qattylyǵynan bes er adam ony sýdan áreń shyǵarady. Olardyń tórteýi sol mańdaǵy fıtnes-ortalyqqa kele jatqan, al besinshisi – turǵyn úı kesheniniń kúzetshisi. Qyzdyń densaýlyǵyna zaqym kelgen joq.
Tótenshe jaǵdaılar departamenti qyzdy qutqarǵan Alekseı Stýpenko, ıÝrıı Lysenko, Albert Dedýsev, Evgenıı Zelevskıı jáne Erbolat Quljigitovti marapattady. Azamattarǵa sala mınıstri ıÝrıı Ilınniń alǵys haty jáne aqshalaı syılyq tabystaldy.
Búgingi tańda qalada, sonyń ishinde «Batys-2» shaǵyn aýdanynda jaǵdaı turaqty. Alaıda, óńirde sý tasqynymen kúres jumystary jalǵasyp jatyr. Kúni keshe sý basý qaýpine baılanysty Oıyl aýdany Ekpetal aýylynyń 200-den astam turǵyny evakýatsııalandy.
