Aqtóbede ártúrli deńgeıdegi máslıhattyń 178 depýtaty tańdaý jasaýda

AQTÓBE. QazAqparat - Aqtóbede 192 depýtattyń 178-i búgin Senat depýtatyn tańdaıdy. Úsh kandıdat Senat depýtattyǵynan úmitti, dep habarlaıdy QazAqparat tilshisi.

Aqtóbe oblysy boıynsha 5 úmitker saılaýǵa qatysýǵa ótinish bergen. Onyń tórteýi ózin-ózi usyndy. Alaıda tek úsheýi ǵana tirkelip, úgit-nasıhat jumysyn júrgizdi.

«Barlyq qajetti qujatty úsh kandıdat usyndy. Saılaý zańnamasyna sáıkes aqparat ákimdik portalyna, jergilikti eki gazetke shyqty. Qazirgi kezde daýys berýge arnalǵan pýnkt daıyn. Onyń ózi tártibi bar. Bıýlleten jeke kýálikti kórsetken kezde beriledi. Kabınaǵa kirip, óz tańdaýyn jasaıdy. Árbir tańdaýshynyń daýysy sanalaýy úshin qate jibermeý kerek. Bıýlleten búlinse, tańdaý eseptelmeıdi»,- dedi oblystyq aýmaqtyń saılaý komıssııasynyń tóraǵasy Nurlybek Júsipov.

Eske salsaq, oblystyq saılaý komıssııasy saıası partııalar men qoǵamdyq birlestikterdiń usynysy negizinde 7 músheden turady. Báriniń tájirıbesi bar.