Aqtóbede arnaıy ekonomıkalyq aımaq salynady
Aqtóbe oblysy boıynsha ótken jyly 500 mıllıard teńge ınvestıtsııa tartyldy. Bıyl bul jumys jalǵasady. Máselen, quny 33 mıllıard teńge bolatyn jel elektr stantsııasynyń qurylysy bastalyp, bıyl iske qosylady. Sonymen qatar, qysh taqtaıshalaryn shyǵaratyn zaýyttyń qurylys jumysyna 9 mıllıard teńge jumsaldy. Munda 180 jańa jumys orny ashylady. Ótken jyly iske qosylǵan «Gas processing Company» JShS-niń gaz óńdeý kesheni mańyzdy joba boldy. Jobaǵa 42 mlrd teńge ınvestıtsııa tartyldy. Óńir basshysy esep berý kezdesýinde taǵy bir iri jobanyń qolǵa alynǵanyn jetkizdi.
«Arnaıy ekonomıkalyq aımaq kásipkerler úshin 5 túrli jeńildik beredi. Onyń ishinde salyq jeńildigi de bar. Elbasy Nursultan Nazarbaevtyń Aqtóbege sapary kezinde usynys bolyp, qoldaý bildirdi. Úkimetke tapsyrma berilip, jumys bastaldy. Aýmaǵy 600 gektar bolatyn arnaıy ekonomıkalyq aımaq 4 baǵyt boıynsha jumys isteıdi. Olar - munaı jáne hımııa, metallýrgııa, qurylys jáne mashına qurastyrý. Úkimetpen birge jyl sońyna deıin arnaıy ekonomıkalyq aımaqty ashyp, iske qosamyz», - dedi oblys ákimi Berdibek Saparbaev.
