Aqtóbede arnaıy baǵdarlamamen oqyǵan jumyssyzdar eńbekke aralaspaǵan
AQTÓBE. QazAqparat - QR Memlekettik qyzmet isteri jáne sybaılas jemqorlyqqa qarsy is-qımyl agenttiniń oblystyq departamenti «Jumyspen qamtýdyń jol kartasy - 2020», «Nátıjeli jumyspen qamtý jáne jappaı kásipkerlik» baǵdarlamasyn oryndaýda kemshilikterdi anyqtady, dep habarlaıdy QazAqparat tilshisi.
Aqtóbe oblystyq prokýratýrasy oblystyq Jumyspen qamtýdy úılestirý jáne áleýmettik baǵdarlamalar basqarmasy men óńirdegi jumyspen qamtý ortalyqtaryna tekserý júrgizgen. Tekserý kezinde «Jumyspen qamtýdyń jol kartasy - 2020», «Nátıjeli jumyspen qamtý jáne jappaı kásipkerlik» baǵdarlamalarynyń oryndalýy qaraldy. Nátıjesinde 4,5 mıllıon teńgeniń maqsatsyz jumsylǵany anyqtaldy.
«Tekserýde kásiptik oqýǵa jiberý kezinde bıýdjet qarjysyn maqsatsyz jumsaý deregi anyqtaldy. ıAǵnı, jumyssyzdardy suranysy joq mamandyqtarǵa oqytqany belgili boldy. 2016-2018 jyldary 4 900 adam qysqa merzimdi oqýǵa jiberildi. Onyń tek 2 873-i ǵana jumysqa ornalasty. ıAǵnı, 58,6 paıyzy eńbekke aralasty. Al oqyǵan mamandyqtarymen 1 813 adam eńbekke aralasqan eken, ıaǵnı, 37 paıyzdy ǵana qurap tur», - dedi QR Memlekettik qyzmet isteri jáne sybaılas jemqorlyqqa qarsy is-qımyl agenttigi oblystyq departamentiniń basqarma basshysy Erbol Tolybaev. Sonymen qatar dıplomy bar adamdarǵa jumys taýyp bermeı, dál sol mamandyqqa qysqa merzimdi oqýǵa qaıta jiberý de tirkelgen.
«Alǵa aýdandyq jumyspen qamtý ortalyǵy «kompıýter júıesiniń operatory» mamandyǵy boıynsha 25, elektrık 25, shashtaraz 43, kondıterlikke 22 adamdy oqytyp, bári jumyssyz júr. Al qazir Alǵa aýdanyna traktorshy, dánekerleýshi, tiginshi kerek. Máselen, Qobda aýdanynyń turǵyny Nurǵalıev kópsalaly kolledjde tas qalaýshy mamandyǵyn aldy, jumysqa ornalaspady. Al oǵan bıýdjettiń 232 myń teńgeden astam qarjysy jumsaldy. Mundaı derek Aqtóbe oblysynyń barlyq aýdanynda bar», - dedi Erbol Tolybaev.
Keıbir aýdanda jumysta júrgen adamdar jumyssyzdarǵa arnalǵan qysqa merzimdi kýrstarǵa jiberilgen. Máselen, 2016 jyly Hromtaýdan 24 adam oqysa, onyń teń jartysynyń turaqty jumysy bar. Erbol Tolybaevtyń aıtýynsha, memlekettik qyzmetkerlerdiń kóbi zań bilmeı, qatelik jasaǵan. Jıyn kezinde sybaılas jemqorlyq faktisiniń aldyn alý úshin taǵy da túsindirý jumystaryn júrgizip, óz mindetin durys atqara almaıtyn memlekettik qyzmetkerlerdiń tizilimin qurý usynyldy.
