Aqtóbede arnaýly jıynǵa shaqyrylǵandar dezınfektsııa jumysyna kiristi
Prezıdenttiń áskerı mindettilerdi arnaýly jıynǵa shaqyrý týraly Jarlyǵyna oraı Aqtóbede qoǵamdyq qaýipsizdikti qamtamasyz etý úshin 100 azamat irikteldi. Aımaq basshysy Ońdasyn Orazalın aldymen aýmaqtyq áskerı mindettilerdiń daıyndyǵymen tanysyp, arnaıy tehnıkalardy qarady.
«Memleket basshysy elimiz qalypty tynys-tirshilikke qaıta kelýi úshin barlyq resýrsty qoldanyp jatyr. Qolǵa alynǵan barlyq shara Qazaqstan azamattarynyń densaýlyǵy, ál-aýqaty úshin jasalýda. Osy ýaqytta óz densaýlyǵyn táýekelge tigip, áskerı jıynǵa ynta bildirgen azamattarymyz az emes. Óz erkimen Otanǵa qyzmet etýge nıet bildirgen barlyq azamattyń qadamy ózgeler úshin úlgi bolyp otyr», - dedi Ońdasyn Orazalın.
Aýmaqtyq qorǵanys brıgadasy men TJD jeke quramy dezınfektsııa jumystaryn ótkizýge kiristi. Aqtóbe oblysy ákiminiń qaýipsizdik jáne qorǵanys áskerı qyzmet jónindegi kómekshisi Ádilbek Kýltaevtyń aıtýynsha, QR Prezıdentiniń Jarlyǵy shyqqan kezde 300-ge jýyq erikti jergilikti áskerı komıssarıattarǵa júgingen.
Birinshi kezekte densaýlyǵyna baılanysty arnaıy daıyndyqtan ótken 100 áskerı qyzmetshi irikteldi. Qajet bolǵan jaǵdaıda áskerı qyzmetke tartylatyn adamdardyń sany artady.
Aıta keteıik, áskerı qyzmetshiler dezınfektsııa sharalaryn ótkizýge, polıtsııa qyzmetkerlerimen birge qoǵamdyq tártipti baqylaýǵa kómektesedi.
