Aqtóbede Armenııadan ákelgen 4 kólik tirkeldi: Call ortalyq jumys isteýde
AQTÓBE. QazAqparat – Aqtóbede Armenııadan ákelingen 4 kólik tirkeldi, dep habarlaıdy QazAqparat tilshisi.
Aqtóbeniń mamandandyrylǵan HQKO-da Úkimetpen qabyldanǵan jańa erejeler boıynsha Armenııadan ákelingen avtokólikterdi tirkeý bastaldy. Bir kúnde 4 avtokólik tirkeldi.
«Taǵy 25 adam Ákimshilik polıtsııa basqarmasynyń qyzmetkerlerinen keńes aldy. 1 maýsymnan bastap 1 qyrkúıekke deıin Úkimet qaýlysyna sáıkes elde QR azamattaryna tirkelgen jáne Armenııadan elge ákelingen jáne 2020 jyldyń 1 aqpanyna deıin ákelingen rýli sol jaqta ornalasqan kólik quraldaryn tirkeý bastaldy. Avtokólikti tirkeý kezinde jeke kýálik, memlekettik tirkeý úshin alym jáne memlekettik baj salyǵy, sondaı-aq Armenııada berilgen kólik tirkeý anyqtamalyǵy jáne memlekettik tirkeý nómirin tóleý týraly qujat qajet. Eger avtokólik oń rýldi bolsa, onda sertıfıkattalǵan ortalyqtan qaýipsizdik sertıfıkaty qajet», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Armenııadan ákelingen kólik tirkeý erejelerin túsindirý úshin polıtsııa departamentinde Call-ortalyǵy kún saıyn saǵat 09:00-den 18:00-ge jumys isteıdi. Telefon nómiri: 525 100.
