Aqtóbede antıterrorlyq oqý-jattyǵý ótip jatyr
AQTÓBE. QazAqparat - Aqtóbe qalasyndaǵy iri sýpermarket ishinde antıterrorlyq oqý-jattyǵý ótip jatyr. Qazir qaladaǵy birneshe joldar jabyldy, dep habarlaıdy QazAqparat tilshisi.
«Qaladaǵy «Dına» sýpermarketinde antıterrorlyq oqý-jattyǵý ótip jatyr. Kez kelgen jaǵdaıǵa daıyn bolýy úshin, qarý-jaraqtyń ázirligin tekserý úshin uıymdastyryldy. Sabyrlyq saqtap, jalǵan aqparat taratpaýyn suraımyz»,- dedi oblystyq Іshki ister departamentiniń baspasóz qyzmeti.
Terrorızmge qarsy jedel shtab Aqtóbe qalasyndaǵy Sáńkibaı batyr, Álııa Moldaǵulova dańǵyldary men birneshe shaǵyn qıylystardy ýaqytsha japty. Al negizgi oqý-jattyǵý iri sýpermarket ishinde ótip jatyr. Stsenarıı boıynsha lańkes adamdar kóp shoǵyrlanǵan orynda óz-ózin jaryp jibermek bolǵan. 
