Aqtóbede «Antikor ortalyǵy» ashyldy
Qyzmettiń ashyqtyǵyn qamtamasyz etý, keńes berý ortalyǵynyń ashylýyna QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev, Aqtóbe oblysynyń ákimi Ońdasyn Orazalın, «Aqtóbe – adaldyq alańy» jobalyq keńsesine jetekshilik etetin oblys ákiminiń orynbasary, jobalyq keńse jumysshylary , aqparattyq úgit-nasıhat shtabynyń músheleri qatysty.
«Eń bastysy - turǵyndarǵa qyzmet kórsetýi. Ashyqtyq, jarııalylyq halyq pen bılikti jaqyndata túsedi. Aqtóbelikter servıstik ortalyqtyń ıgiligin kóredi degen senimdemin»,- dedi oblys ákimi Ońdasyn Orazalın. Servıstik ortalyqtyń birinshi qabatynda kútý zaly, balalarǵa arnalǵan oryn, «Aqtóbe – adaldyq alańy» jobalyq keńsesi, Sybaılas jemqorlyqqa qarsy is-qımyl agenttiginiń oblystyq departamenti qyzmetkerlerine arnalǵan konsýltatsııalyq jáne zańgerlik kómek kórsetýge arnalǵan ashyq kabınetter ornalasqan. Al ekinshi qabatta jınalys zaly, kásipkerler men ınvestorlardyń qyzmetine zańsyz aralasatyn sybaılas jemqorlyqty anyqtaýǵa, jolyn kesýge baǵyttalǵan «Protecting business and investments» jobasynyń keńsesi bar. Jańa keńsede Agenttik tóraǵasy Alık Shpekbaev pen oblys basshysy Ońdasyn Orazalın azamattardy qabyldap, aýyl sharýashylyǵy, quqyqtyq máselelerge qatysty suraqtarǵa jaýap berdi. «Barlyq ótinishter jeke baqylaýǵa alyndy. Muqııat zertteýdi qajet etetin aıqyn keıster bar. Agenttiktiń Aqtóbe oblysy boıynsha departamentine naqty tapsyrmalar berildi jáne árbir ótinishti egjeı – tegjeıli qarastyryp, sheshimin tabý qajet», - dedi Alık Shpekbaev.
