Aqtóbede anasyna arasha suraǵan bes bala baspanamen qamtylady

AQTÓBE. KAZINFORM - Esbolatovtar otbasyndaǵy 5 balany baspanamen qamtý máselesin Aqtóbe qalasy ákimdigi sheshedi. Oblys ákimi Ashat Shaharov tapsyrma berdi.

Aqtóbe ákimdiginde balalar qaýipsizdigi, arnaıy mekemelerdiń jaýapkershiligi máselesi qaraldy.

- Bes balanyń taǵdyry. Máseleni ózderi jetkizip otyr. Bes balany ornalastyrý kerek. Qalǵan máselelerdi biz qolǵa alamyz, odan bas tartpaımyz. Biz úshin eń mańyzdysy - bes balanyń bolashaǵy. Eger zań buzýshylyq bolsa, jaýapqa tartylady. Balalardyń taǵdyry tikeleı baqylaýymda bolady, - dedi Aqtóbe oblysynyń ákimi Ashat Shaharov.

Oblys ákiminiń baspasóz qyzmeti Aqtóbe qalasynyń ákimdigi bes balaly otbasyny baspanamen qamtamasyz etý máselesin sheshýi tıis ekenin habarlady.

Eske salsaq, Esbolovtar otbasyndaǵy 5 bala qazir ózderin qoldaǵan eriktiniń úıinde turady. Al anasy Juldyz Tleýf óziniń júıke aýrýyna shaldyqpaǵanyn rastaý úshin Almatydaǵy emdeý ortalyǵynda tekserilip júr. Otbasynyń tuńǵyshy Quralaı Esbolatova osy jaǵdaıǵa jetkizgenderdiń jaýapqa tartylýyn surady.