Bes balanyń anasymen qaýyshý oqıǵasy: Otbasy baspanaly boldy

AQTÓBE. KAZINFORM — Júıke aýrýyna shaldyqty dep emdelgen Juldyz Tleýf pen onyń 5 balasy jańa páterge qonystandy. Bul týraly úıdiń tuńǵyshy Quralaı Esbolatova óz paraqshasynda habarlady.

Aqtóbe qalasynyń turǵyny Quralaı Esbolatova áleýmettik jelidegi paraqshasynda qýanyshty jańalyǵyn bólisti. Onyń aıtýynsha, qoǵamdyq qor atynan páter berildi.

— Tosyn syı boldy. Kópten kútken kúnimiz. Keremet kúnniń, keremet ómirdiń bastaýy bolyp jatyr. Qazaq eline alǵys aıtamyn. Bizdi qoldap, osyndaı kúnge jetkizdi, — dedi otbasynyń tuńǵyshy Quralaı Esbolatova.

Eske salsaq, Esbolovtar otbasyndaǵy 5 bala anasyna arasha surady. Olardyń anasy Juldyz Tleýf óziniń júıke aýrýyna shaldyqpaǵanyn rastaý úshin Almatydaǵy emdeý ortalyǵynda tekserildi.

Almaty qalasyndaǵy respýblıkalyq psıhıkalyq densaýlyq ǵylymı-praktıkalyq ortalyǵy dál qazirgi kezde deni saý dep anyqtama berdi.

Ákimdikte ótken jıynda Aqtóbe oblysynyń ákimi Ashat Shaharov qala ákimine bes balany baspanamen qamtýdy tapsyrdy.

Keıin baspasóz qyzmeti bul otbasy ákimdik usynǵan baspanadan bas tarqanyn habarlady.