Aqtóbede Ana úıiniń turǵyndary kásipkerlik álippesin úırendi
AQTÓBE. QazAqparat - «Kásipker ana» jobasy aıasynda Ana úıinde bir kúndik semınar ótti, dep habarlaıdy QazAqparat tilshisi.
«Atameken» kásipkerler palatasy bıznes negizderi, jeke kásipker bolý, taýar satý joldaryn úıretti. Bıznes trener Nurgúl Ahanova, qarjylaı emes qoldaý bóliminiń basshysy Dıana Jumabaeva memlekettik baǵdarlama, nesıelendirý joldaryn aıtty.
«Qıyn jaǵdaıǵa tap bolǵan áıelder bos ýaqytyn tıimdi paıdalanyp, jańa ıdeıalaryn iske asyrýǵa múmkindik aldy. Biz jan-jaqty qoldaý kórsetýge ázirmiz. Bala kútimimen qatar kásipkerlikti damytýǵa bolatynyn úıretemiz. «Bıznes mektep«, «Bastaý« jobalary arqyly memlekettik grant ıelene alady»,- dedi Dıana Jumabaeva.
Bıznes-trener Qaıyrjan Tańatarov SMM, taýar satý, áleýmettik jelimen jumys jaıyn túsindirdi.
«Qazir Ana úıinde 7 áıel turady. Bıznes-trenerler qolóner buıymyn jasaý, kıim tigý, kondıter ónimin pisirý joldaryn úıretti. Munda analardy áleýmettik beıimdeý úshin tigin mashınasy men kompıýter synyby bar. Tósek jınaǵyn, balalarǵa ulttyq kıim men kórpe tigýdi meńgergen», - dedi Ana úıiniń úılestirýshisi Merýert Ahmetjanova.
Aıta keteıik, Aqtóbedegi fılıal 6 jylda 163 bala men anaǵa qamqor boldy.
