Aqtóbede Amankeldi Taspıhovtyń senimdi ókili memqyzmetshilermen kezdesti

NUR-SULTAN. QazAqparat - QR Prezıdenttigine kandıdat Amankeldi Taspıhovtyń senimdi ókili alǵashqy nasıhat sharasyn Aqtóbe oblystyq statıstıka departamenti ujymymen kezdesýden bastady. Bul týraly QR Kásipodaqtar federatsııasynyń resmı saıtyna silteme jasap QazAqparat habarlaıdy.

Memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵy Aqtóbe oblystyq komıteti tarapynan taǵaıyndalǵan senimdi ókil eldegi saıası naýqannyń mańyzdylyǵyna toqtalyp, departament qyzmetkerlerine QR Kásipodaqtar federatsııasynan usynylǵan kandıdat Amankeldi Taspıhovtyń saılaýaldy tuǵyrnamasyn tanystyrdy.

Kásipodaq múshelerine úmitker tuǵyrnamasynda kóterilgen qaýipsiz eńbek jaǵdaıyn jasaý, jumysshylardyń eńbek quqyǵyn qamtamasyz etý, josyqsyz jumys berýshilerdiń jaýapkershiligin arttyrý syndy basty máseleler túsindirildi. Senimdi ókil departament qyzmetkerleriniń saýaldaryna jaýap berdi.