Aqtóbede «Altyn belgi» ıegeri 9 jylǵa sottalýy múmkin
AQTÓBE. QazAqparat - Aqtóbede óz qurdasyn pyshaqtap tastaǵan Beknaz Keńshilik 9 jylǵa bas bostandyǵynan aıyrylýy múmkin. Búgin sotta jaryssóz bastaldy, dep habarlaıdy QazAqparat tilshisi.
Aqtóbe oblystyq qylmystyq ister jónindegi mamandandyrylǵan aýdanaralyq sotynda mektep túleginiń ólimine qatysty is qaralyp jatyr. Búgin jaryssóz bastaldy.
«Qylmystyq kodekstiń «Adam óltirý» baby boıynsha aıypty dep tanyp, 9 jylǵa bos bostandyǵynan aıyrýdy suraımyz. Ol jazasyn kámeletke tolmaǵandarǵa arnalǵan qaýipsizdigi ortasha mekemede ótesin», - dedi memlekettik aıyptaýshy Azamat Baıbolatov.
Al qaza bolǵan Azat Dúsipovtiń ákesi aqsha usynǵan aıyptalýshylarǵa renishin bildirdi. Ol balasyn satpaıtynyn, ómirin aqshamen eseptemeıtinin jetkizdi.
Buǵan deıin habarlaǵanymyzdaı, Aqtóbede eki mektep túlegi arasyndaǵy ózara kelispeýshilik ólimmen aıaqtaldy. Pyshaq jaraqatynan №19 orta mekteptiń túlegi Azat Dúsipov aýrýhananyń jansaqtaý bóliminde qaza tapty.
Sotqa deıingi taldaý kezinde aıyptalýshynyń qorǵaýshylary qaza bolǵan Azat Dúsipovtiń ata-anasynan keshirim surady. Al negizgi sot otyrysy kezinde eki jigit arasyndaǵy janjal bı alańynda bastalǵany belgili boldy.
