Aqtóbede alty jasar qyzdy týysqany zorlady
ASTANA. QazAqparat - Aqtóbede kishkentaı qyzdy qatygezdikpen zorlady degen kúdikpen er adam ustaldy.
Japa shekken qyzdy aǵasy qoradan taýyp alǵan. Ol balanyń ógeı ákesiniń aǵasy bolyp tabylady, dep jazdy "Dıapazon" gazeti.
Qylmys 15 qyrkúıekte jasalǵan. Alaıda bul týraly búgin ǵana belgili boldy.
Gazettiń jazýynsha, jasy 30-dan asqan er adam qyzdyń januıasyna qonaqqa kelgen. Keshke 10 jasar aǵasy qoradan qaryndasyn taýyp alyp, ata-anasyn shaqyrǵan. Kúdikti dereý ustaldy.
Sot medıtsınalyq saraptama qyzǵa zorlyq-zombylyq asa qatygezdikpen jasalǵanyn kórsetti. Qyz balany aýrýhanaǵa jatqyzýdyń qajeti bolmady, biraq ol psıhologtardyń kómegine zárý. Mamandar qyzben áli de jumys jasaýda.
