Aqtóbede alty aıda 2 myńnan astam iri qaradan brýtsellez anyqtaldy

AQTÓBE. KAZINFORM – Іri qaramen qatar 400-den astam qoı-eshkiden de brýtsellez anyqtaldy. Maldan aýrý shyqqan aýlalar zalalsyzdandyryldy. 

Aqtóbege bıyl 7,5 mln vaktsına ákelinip, asa qaýipti 13 túrli juqpaly aýrýǵa qarsy egý jumystary júrip jatyr. Sibir jarasy, qarasan, aýsylǵa qarsy ekpe jasaldy.

– Bıyl 6 aıda 440 870 bas múıizdi iri qaradan qan alynyp, brýtsellezdiń bar-joǵy tekserildi. Onyń ishinde 2 277 iri qaradan aýrý anyqtalyp, veterınarlyq talapqa saı joıyldy. Sonymen birge 739 myń bas qoı-eshkiden qan alynyp, 418-inen brýtsellez anyqtaldy. Aýrý shyqqan 633 aýlaǵa, ıaǵnı 17 000 sharshy metrge dezınfektsııalyq jumystar júrgizildi, - dedi oblystyq veterınarııa basqarmasy basshysynyń orynbasary Berdimurat Bekjanov. 

Aqtóbe oblysynda 122 Sibir jarasy kómindisi men 56 tıptik mal qorymy bar. Sibir jarasy kómindisi veterınarııalyq-sanıtarııalyq talaptarǵa saı 1,5 metrlik qorshaýmen qorshalyp, kútip ustaýǵa bıýdjetten 18 mln teńge qarastyryldy. Veterınarlar men epıdemıologtar jyl saıyn topyraq synamasyn alyp, tekserip otyr. Bıyl 800 topyraq synamasy teris nátıje kórsetti. 

Aıta keteıik, oblysta 655 myń múıizdi iri qara, 1,3 mln qoı-eshki men 378 myń jylqy bar. Bıyl Aqtóbede 129 myń gektarǵa jýyq jer memleket menshigine qaıtaryldy. Sharýalar men fermerlerge aldyn ala eskertý berip, túsindirý jumysy júrgiziledi. Eger maqsatty ıgermese, memleket qaıtaryp alady.