Aqtóbede «Álimbet» shekara beketindegi jóndeý jumysy bıyl aıaqtalady
AQTÓBE. KAZINFORM — Qurylys jumysy byltyr qyrkúıekte bastaldy. Joba quny — 14,7 mlrd teńge.
Qazaqstan-Reseı shekarasyndaǵy «Álimbet» avtomobıl ótkizý pýnktin jańǵyrtý jumysyn júrgizip jatqan merdiger 2024 jyly anyqtaldy. Úsh jyldyq kelisimshart boıynsha negizgi jumys byltyr bastaldy jáne 16 aıǵa josparlanǵan.
— Jańǵyrtý jumysy bıyl jyl sońyna deıin aıaqtalady. Munda qyzmettik ıtterge arnalǵan arnaıy oryn da bolady. Sonymen birge sharýashylyq jáne aýyz sýǵa arnalǵan nasos stantsııasy jumys isteıdi. Munda órtke qarsy sý qubyry da salyndy. Qurylys alańynda barlyǵy 11 tehnıka men 35 adam bar, — dep habarlady «QazAvtoJol» AQ Aqtóbe oblystyq fılıalynyń baspasóz qyzmeti.
Aıta keteıik, Aqtóbe oblysynda taǵy 2 shekara bólimshesi salynýy múmkin. Biri Áıteke bı aýdany «Áıke», ekinshisi Mártók aýdany «Qııaly» bólimshesi.
