Aqtóbede alkogol ónimderin satý ýaqyty shekteldi

AQTÓBE. QazAqparat – Aqtóbe oblysynyń komendanty alkogol ónimderin satý ýaqytyn shektedi, dep habarlaıdy QazAqparat tilshisi.

Aqtóbe oblysy komendantynyń buıryǵymen tótenshe jaǵdaı kezinde qarý-jaraq, oq-dári men jarylǵysh zattardyń, arnaıy quraldardyń, ýly zattardyń satylýyna tyıym salyndy.

Dárilik, esirtki zattary, psıhotroptyq zattar, prekýrsorlardyń aınalym ýaqyty saǵat 21:30-ǵa deıin dep belgilendi.

Sonymen qatar etıl spırti, alkogol ónimderin satý jumys kúnderi saǵat 17:00-ge deıin belgilendi.

«Tek jeksenbi jáne mereke kúnderi satylýyna tyıym salynady. Osy buıryqty buzǵandar ákimshilik jaýapqa tartylady», - oblystyq PD baspasóz qyzmetiniń jetekshisi Erbolat Sarqulov.