Aqtóbede Álkeı Marǵulan, Farıza Ońǵarsynova atyndaǵy mektepter ashyldy
AQTÓBE. QazAqparat - Bilim kúni qarsańynda Aqtóbe qalasynda «Nurly jol» memlekettik baǵdarlamasy boıynsha salynǵan eki jańa mektepte alǵashqy qońyraý soǵyldy, dep habarlaıdy QazAqparat.
«ıAsnoe-2» aýylynda 600 orynǵa arnalǵan jalpy bilim beretin mektep-gımnazııasy ashylyp, oǵan belgili aqyn, Qazaqstannyń halyq jazýshysy Farıza Ońǵarsynovanyń esimi berildi.
Aýmaǵy 10,3 myń sharshy metrlik úsh qabatty oqý ǵımaraty balalardyń jattyǵýǵa jáne bos ýaqytyna, sondaı-aq mádenı jáne sporttyq, bilimge degen qajettilikterin eskere otyryp ázirlengen. Mektep 29 synypqa arnalǵan jáne eki aýysymmen jumys isteıdi: birinshi qabatta 210 oryndyq ashana bar, kireberiste týrnıketter ornatylǵan.
Mektepte qajetti jabdyqtarymen sport jáne akt zaldary, ınformatıka, fızıka, hımııa jáne bıologııa kabınetteri, aǵylshyn tili, medıa-kitaphana jáne 22 myń kitap qory bar kitaphana bar. Arnaıy bilim berý qajettilikteri bar balalar úshin lıft pen ustaıtyny bar pandýstar qoıylǵan. Abattandyrylǵan mektep aýmaǵynda demalý jáne serýendeý alańy, oqýshylarǵa arnalǵan jattyǵý oıyn jáne sport alańdary, júgirý joldary ornalasqan.
Qalalyq Sút zaýyty aýdanynda 600 oryndyq taǵy bir mektep ashyldy. Bul mektep otandyq ǵalym-arheolog, tarıhshy Álkeı Marǵulannyń esimimen atalady.
Sonymen birge, oqýshylardy jalpy bilim berý mekemelerine qaýipsiz tasymaldaý máselesi jergilikti bılik organdarynyń basymdyqtarynyń biri bolyp tabylady. Osyǵan baılanysty «Baqytty bala» aımaqtyq jobasynyń aıasynda 10 mekteptiń dırektorlary jańa Iveco shaǵyn avtobýstarynyń kiltterin aldy. Otandyq óndiristiń yńǵaıly avtokóligi oblys ortalyǵynyń shalǵaı aýdandarynan balalardy tasymaldaý úshin arnalǵan.
Bıylǵy jyly Aqtóbe oblysynda 15 jańa mektep ashylady, onyń 9-y 1 qyrkúıekke deıin alǵashqy oqýshylaryn qabyldaıdy.
