Aqtóbede alqa bıler aqtap shyqqan júrgizýshi qaıtadan sot aldynda jaýap beredi
AQTÓBE. KAZINFORM - Sottalýshy Ramazan Infýrov bir aı buryn sot zalynan bosatyldy. Alaıda prokýratýra, jábirlenýshi tarap apellıatsııalyq shyǵam túsirip, is qaıta qaralatyn boldy.
Sottalýshy Ramazan Infýrovqa Qylmystyq kodekstiń 345-baby 4-bóligimen aıyp taǵyldy. Іs materıalyna súıensek, Samara-Shymkent tasjolynda Mitsubishi Montero Sport pen Volvo júk kóligi soqtyǵysqan. Saldarynan bir otbasynyń úsh balasy men olardyń ákesi kóz jumdy.
Al anasy aýrýhanaǵa tústi. Arada úsh jyl ótkende júk kóliginiń júrgizýshisine aıyp taǵyldy. Іs Aqtóbe oblystyq qylmystyq ister jónindegi mamandandyrylǵan aýdaranalyq sotynda qaralyp, oǵan alqa bıler qatysty. Sot Ramazan Infýrovty kinásiz dep tanyp, qylmystyq quram bolmaýyna baılanysty aqtady. Ári jábirlenýshi taraptyń 50 mln teńge moraldyq, 500 myń teńge zańgerdiń shyǵynyn óndirý talap aryzy qaraýsyz qaldyryldy.
Arada bir aı ótkende prokýratýra apellıatsııalyq ótinishhat túsirip, úkimniń kúshin joıýdy surady. Apellıatsııalyq saty prokýratýranyń ýájderimen kelisip, isti qaıta qaraýǵa joldady.
Sot kabınetindegi aqparatqa súıensek, sot úkim shyǵarǵan kezde alqa bılerdiń sheshimine súıengen. Al alqa bılerdi tańdaýda qatelik ketken. Biri eki balasy bar ekenin, sotqa qatysa almaıtynyn aıtqany. Alqa bıler qataryna kirgen taǵy bir adam ant qabyldaýdan bas tartqan.
ıAǵnı alqa bı músheleri sotqa qatysýǵa daıyn bolmaǵan. Qosalqa quramda bolǵan bir múshesi kúni buryn aqtaý týraly sheshim shyǵaratynyn aıtyp otyrǵan.
Aqtóbe oblystyq sot alqasy úkimniń kúshin joıyp, isti Aqtóbe oblystyq qylmystyq ister jónindegi mamandandyrylǵan aýdanaralyq sotyna qaıta jiberdi. Sot quramy da ózge bolady.
Eske salsaq, alǵashynda jeńil kólik rýlinde bolǵan áıelge aıyp taǵyldy. Іs Áıteke bı aýdandyq sotynda qaraldy. Sot jol qozǵalysy qaǵıdalaryn buzý faktisi óz dálelin tappady degen tujyrymǵa kelip, aqtaý úkimin shyǵardy. Sodan keıin is qaıta tergelip, júk kóliginiń júrgizýshisine aıyp taǵylyp otyr.
