Aqtóbede áleýmettik nan baǵasy ózgerdi

AQTÓBE. KAZINFORM — Aqtóbe oblysynda áleýmettik nan baǵasy 86 teńgeden 106 teńgege kóterildi.

«Aqtóbe» ÁKK baspasóz qyzmetiniń habarlaýynsha, keıingi 4 jylda Aqtóbede bir bólke áleýmettik nan 86 teńgeden shyǵarylyp, dúkenderde 87 teńgege satyldy. Nan óndirýshiler baǵany ósirýdiń birneshe sebebin atap ótti. 

— Áleýmettik nan baǵasy bekitilgeli beri kommýnaldyq qyzmet tarıfi (gaz, elektr qýaty, sý) eki ese ósti, shıkizat quny (ashytqy, qant, ósimdik maıy, un), janar-jaǵarmaı baǵasy kóterildi. Sonymen birge jyl saıyn jumysshylar jalaqysy ósti. Sondaı-aq qural-jabdyqtar men kólik keıde isten shyǵyp qalady. Olardyń bárin únemi jańartý kerek. Nannyń naryqtaǵy baǵasy qazir 120 teńgeden joǵary bolsa, óndirýshiler ony 86 teńgege satty. Bul shyǵyn. Sondyqtan 7 naýryzdan bastap áleýmettik nan baǵasy 106 teńge boldy, — dep habarlady «Aqtóbe» ÁKK baspasóz qyzmeti.

Aıta keteıik, byltyr kúzde óńirlerdegi nan baǵasynyń qansha turatynyn bildik.