Aqtóbede áleýmettik mańyzy bar azyq-túlik qoryn jasaqtaýǵa 5,2 mlrd teńge jumsalady
AQTÓBE. KAZINFORM – Bıyl qoımaǵa 8,6 myń tonna kartop, 2 myń tonna sábiz jáne 1,4 myń tonna pııaz saqtalady. Sonymen birge 14,7 mln dana taýyq jumyrtqasy jetkiziledi.
«Aqtóbe» ÁKK» AQ-nyń habarlaýynsha, qazirgi kezde jergilikti sharýalar turaqtandyrý qorynda saqtaıtyn kókónisti ázirlep jatyr. Kókónistiń bári qoımalardy saqtalady, baǵany turaqtandyrý úshin áleýmettik dúkender men sýpermarketter arqyly satylymǵa shyǵarylady.
- 2026 jyly jergilikti bıýdjetten 5,2 mlrd teńge bólindi. Bıyl kelisimshart negizinde 8 614 tonna kartop, 1 414 tonna pııaz, 2 049 tonna sábiz jáne 1 172 tonna qyryqqabat jetkizý josparlanǵan. Áleýmettik mańyzy bar basqa da azyq-túlik taýarlaryn jetkizý boıynsha kelisimder jasaldy. Atap aıtqanda «Beles Market» JShS 20 tonna kúnbaǵys maıyn, al «Ramazan Qus» JShS 14,7 mln dana taýyq jumyrtqasyn jetkizedi. Búginde «Aqtóbe» ÁKK» AQ qoımalarynda 286 tonna qant, 10 tonna kúnbaǵys maıy jáne 272 tonna kúrish saqtaýly. Kókónis shamamen qazan–qarasha aılarynda satylymǵa shyǵarylady. Al ózgesi qazirdiń ózinde áleýmettik pavılondarda bar,- dep habarlady «Aqtóbe» ÁKK» AQ.
Eske salsaq, elimizde áleýmettik mańyzy bar azyq-túlik baǵasyn turaqtandyrý júıesine jańa shekteý engizildi. Jeke kompanııalar endi áleýmettik mańyzy bar azyq-túlik taýarlarynyń baǵasyn turaqtandyrý maqsatynda saqtandyrý sharttaryn óz qaryzdaryn qamtamasyz etý quraly retinde paıdalana almaıdy.
