Aqtóbede áleýmettik qyzmet kórsetý ortalyǵynyń turǵyny izdestirilip jatyr
AQTÓBE. KAZINFORM – Júıke aýrýyna shaldyqqandardy emdeıtin ortalyqtyń turǵyny Aıtjan Naǵashybaı 4-aqpan kúni qashyp ketken. Sodan beri tabylmady.
Aqtóbe oblystyq PD baspasóz qyzmetiniń habarlaýynsha, esepte turǵan Aıjan Naǵashybaı buǵan deıin de birneshe ret qashyp ketip, tabyldy. Bul joly 4-aqpan kúni keshkilik ketip qalyp, sodan áli joq.
- 2020 jyldyń qazan aıynan bastap sot sheshimimen Aıtjan Naǵashybaı №2 Áleýmettik qyzmet kórsetý ortalyǵynyń turǵyny. Dıagnozy - Ǵ20,8 (shızofrenııanyń basqa túrleri-red.) 2026 jyldyń 4 aqpany kúni keshki saǵat 20:00-21:00 aralyǵynda ortalyqtan ózi qashyp ketti. Bul altynshy ret qashýy. Qashqan saıyn quzyretti organdardyń jáne ortalyq qyzmetkeleriniń izdestirý sharalarynyń nátıjesinde qaıtarylyp otyrdy. Búgingi tańda Aqtóbe qalalyq krımınaldyq, ýchastkelik polıtsııa qyzmetkerleri, ortalyq qyzmetkerleri izdestirý sharalaryn júrgizip jatyr,- dep habarlady Aqtóbe oblystyq jumyspen qamtý jáne áleýmettik baǵdarlamalar basqarmasy.
Aıta keteıik, Petropavlda habar-osharsyz ketken Rolan Zýevti polıtsııa men eriktiler izdedi. 3-aqpan kúni denesi orman ishinen tabyldy.