Aqtóbede áleýmettik qyzmet kórsetý ortalyǵynan qashyp ketken turǵyn tabyldy

AQTÓBE. KAZINFORM — Aıtjan Naǵashybaı bir aptadan astam ýaqyttan soń oraldy. Ol qaıtadan № 2 Áleýmettik qyzmet kórsetý ortalyǵyna ornalastyryldy.

Aqtóbe oblystyq PD baspasóz qyzmetiniń habarlaýynsha, 4 aqpan kúni keshkilik qashyp ketken Aıtjan Naǵashybaı qazir № 2 Áleýmettik qyzmet kórsetý ortalyǵynda.

— Ortalyq turǵyny Aıtjan Naǵashybaı sotqa aryz túsirip, densaýlyǵy týraly dıagnoz qaıta qaralyp jatyr. Birinshi sot otyrysy ótti. Іs áli qaralyp jatyr, — dep habarlady Aqtóbe oblystyq jumyspen qamtý jáne áleýmettik baǵdarlamalar basqarmasy.

Aıta keteıik, 2020 jyldyń qazan aıynan bastap sot sheshimimen Aıtjan Naǵashybaı № 2 Áleýmettik qyzmet kórsetý ortalyǵynyń turǵyny sanalady. Dıagnozy — Ǵ20,8 (shızofrenııanyń basqa túrleri — red.) Ol buǵan deıin de ortalyqtan birneshe ret qashyp ketken.