Aqtóbede áleýmettik gazdy jasyryn satqan qylmystyq top ustaldy
AQTÓBE. KAZINFORM - Aqtóbede qylmystyq top jalǵan qujat jasap, 12 vagon suıytylǵan gazdy satpaq boldy. Olar munaı-gaz kompanııasynyń qyzmetkerleri bolyp shyqty.
Aqtóbe oblystyq PD uıymdasqan qylmysqa qarsy kúres basqarmasy, prokýratýra men UQKD áleýmettik gazdy urlap, satpaq bolǵan kúdikti topty ustady. Olar gaz óńdeý kompanııasynyń jumysshylary bolyp shyqty. Aldymen gazdyń quramyn tekserip, ony jaramsyz dep tanıdy. Keıin jınap, satýǵa kirisken.
- Olar esepke alynbaǵan gazdy jınaqtap, keıin temir jol arqyly tasymaldaǵan. Ken ornynan satý ornyna bara jatqan jolda urlanǵan gaz bar 12 vagon ustaldy. Tıisti saraptamalar taǵaıyndaldy, nátıjeleri boıynsha keltirilgen shyǵynnyń somasy belgilenetin bolady. Jedel-tergeý is-sharalary jalǵasyp jatyr, - dedi ІІM uıymdasqan qylmysqa qarsy kúres departamentiniń ókili Qýandyq Alpys.
Qazir Qylmystyq kodekstiń «Urlyq» baby boıynsha is qozǵalyp, tergeý júrip jatyr.
Eske salsaq, byltyr jaz boıy Aqtóbe óńirine bólingen suıytylǵan gaz kólemi bir aıǵa jetpeı qaldy.