Aqtóbede áleýmettik azyq-túliktiń úsh aılyq shekti baǵasy bekitiledi

AQTÓBE. KAZINFORM — Áleýmettik azyq-túliktiń ekinshi toqsandaǵy shekti baǵasy ósti. Máselen kúnbaǵys maıy shamamen 150, sıyr etiniń kelisi 190 teńgege kóterilgeni belgili boldy.

Aqtóbe oblystyq kásipkerlik basqarmasy Ashyq NQA portalyna ІІ toqsanǵa arnalǵan áleýmettik mańyzy bar azyq-túlik taýarlaryna bólshek saýda baǵalarynyń shekti máni týraly jalpy aqparat jarııalady. Al basqarmasynyń óz saıtynda naqty baǵasy tolyq kórsetilgen. 

Resmı saıttaǵy derekke súıensek, aldaǵy úsh aıda azyq-túliktiń basym bóliginiń shekti baǵasy ózgeredi. Máselen birinshi surypty bıdaı unynyń kelisi 239 teńge, kúnbaǵys maıy 903, sıyr etiniń kelisi 3216, taýyq eti 1923, kartoptyń kelisi 379, pııaz 287 teńge dep kórsetilgen. Ereje boıynsha áleýmettik mańyzǵa ıe 19 túrli taýar baǵasy aldaǵy úsh aıda osy shekten asyp ketpeýi tıis. Birinshi toqsanǵa qaraǵanda ekinshi toqsanda 19 taýardyń 13-inde baǵa ósimi bar. 

Eske salsaq, bıyl І toqsanda áleýmettik mańyzy bar azyq-túlik taýarlarynyń bólshek saýdadaǵy baǵasynyń shekti máni týraly jazǵan edik. Ol kezde de byltyrǵyǵa qaraǵanda baǵanyń kóterilgenin, keıbiriniń arzandaǵyny belgili boldy.