Aqtóbede áleýmettik jelide qyzben tanysyp, zorlyq kórsetken jigit sottaldy
AQTÓBE. QazAqparat - Búgin Aqtóbe qalasynda áleýmettik jelide kámeletke tolmaǵan qyzben tanysyp, oǵan zorlyq kórsetti dep aıyptalǵan Ádilbek Aıdarov 10 jylǵa sottaldy, dep habarlaıdy QazAqparat tilshisi.
Aqtóbe qalasynda oqıǵa ústimizdegi jyldyń tamyz aıynda bolǵan. Áleýmettik jeli arqyly tanysyp, kezdesken jigit pen qyzdyń oqıǵasy qylmystyq ispen aıaqtaldy.
Іs materıaldaryna súıensek, 20 jastaǵy sottalýshy áleýmettik jeli arqyly kámelet jasqa tolmaǵan qyzben tanysqan. Keıin kezdesip, kúsh qoldaný arqyly zorlyq kórsetken.
Sot úkimimen Ádilbek Aıdarov qyzdyń dármensiz kúıin paıdalanyp, jynystyq qatynasqa tústi dep aıyptalyp, 10 jylǵa bas bostandyǵynan aıyryldy. Ol jazasyn qylmystyq atqarý júıesiniń qaýiptiligi joǵary túzetý mekemesinde óteıdi. Sottalýshy jábirlenýshige 1 mıllıon teńge moraldyq shyǵyn tóleıdi. Sonymen qatar, ol 300 myń teńgeden astam sot shyǵynyn óteýi tıis.
Sot úkimi zańdy kúshine engen joq.
