Aqtóbede áleýmettik-ekonomıkalyq damý kórsetkishi qorytyndylandy
Jıyn kezinde oblys ákiminiń orynbasary Rýslan Hambarov negizgi makroekonomıkalyq kórsetkishterdiń ósimi baıqalatynyn jetkizdi. Oblys boıynsha ınflıatsııa 107,5% qurady. Negizgi kapıtalǵa túsken ınvestıtsııa kólemi - 646,8 mlrd teńge. Bıýdjet qarjysynyń 355 mlrd teńgesi ıgerildi. ıAǵnı, Aqtóbe oblysy óńirler arasynda úshinshi orynda tur. «Aýyl – el besigi» jobasy aıasynda 2019-2020 jyldary 39 joba júzege asyryldy. Bul maqsatqa 6,6 mlrd teńge bólinip, ıgerildi. Al bıyl taǵy 32 aýylǵa gaz, sý qubyry tarlytyp, joly jóndeledi. Bıýdjetten 7,7 mlrd teńge qarastyrylǵan. «Jumyspen qamtýdyń jol kartasy» baǵdarlamasy aıasynda 41,5 mlrd teńgege 300 ınfraqurylymdyq joba júzege asyryldy. Barlyǵy 12 myń adam jumysqa ornalasty.
«Jumyspen qamtýdyń jol kartasy» baǵdarlamasynyń qorytyndysy boıynsha Aqtóbe oblysy respýblıkamyzda jumyssyzdyq deńgeıi 0,1% tómendegen jalǵyz óńir. Osy jyly shaǵyn jáne orta bızneske mıkrokredıt berý úshin 1,1 mlrd teńge, ınfraqurylym úshin taǵy 13,9 mlrd teńge bólinedi. «Eńbek» baǵdarlamasy aıasynda 54 248 adam qamtylyp, 2 myńdaı adam memleket qoldaýyna ıe boldy. Al 1 300-den astam adam 745 mln teńgege qaıtarymsyz grant aldy. Myńǵa jýyq adamǵa 4,6 mlrd teńge shaǵyn nesıe berildi. Nátıjesinde jumyssyzdyq deńgeıi 4,8%, jastar arasyndaǵy jumyssyzdyq 2,7% qurady»,- dedi Rýslan Hambarov.
Oblys ákiminiń orynbasary Amangeldi Berdalın aýyl sharýashylyǵy salasyndaǵy atqarylǵan jumysty baıandady.
«Ótken jyly aýyl sharýashylyǵy, orman jáne balyq sharýashylyǵy ónimderiniń jalpy óndirisi 324,7 mln teńgeni qurady. Negizgi kapıtalǵa 22,4 mlrd teńge ınvestıtsııa tartyldy. Ósim - 110,4%. Sýbsıdııalaýǵa respýblıkalyq jáne oblystyq bıýdjetten 19 mlrd teńge bólindi, sonyń ishinde 863 mln teńgesi mal sharýashylyǵy salasyna tıesili», - dedi A.Berdalın.
Aıta keteıik, bıyl Aqtóbe qalasynda jáne Hromtaý, Mártók, Qarǵaly aýdandarynda taýarly sút fermasy, qus fabrıkasy, bordaqylaý alańy, jylyjaı salynady. Óndiristik kooperatıvterdiń tıimdiligin arttyrý, egistik jerlerdi dıversıfıkatsııalaý, sýarmaly jer kólemin ulǵaıtý jumysy da josparlanǵan. Jıyn kezinde oblys ákiminiń orynbasary Sálimgereı Bekbergenov «Bıznestiń jol kartasy», «Qarapaıym zattar ekonomıkasy» jáne «Eńbek» baǵdarlamalary aıasynda 1675 joba maquldanǵanyn jetkizdi. «Bıznestiń jol kartasy» baǵdarlamasy aıasynda 1108 joba qoldaýǵa ıe boldy. «Qarapaıym zattar ekonomıkasy» baǵdarlamasy boıynsha 122 joba maquldandy. Jobalardyń deni agroónerkásip kesheni, azyq-túlik ónerkásibi, qurylys ındýstrııasy, bilimge baǵyttaldy.
