Aqtóbede aldynda kele jatqan kólikti basyp ozbaq bolǵan júrgizýshi mert boldy
AQTÓBE. QazAqparat - Aqtóbede jol-kólik apaty bolyp, júrgizýshi jedel járdem kóliginde kóz jumdy, dep habarlaıdy QazAqparat tilshisi.
«Toıota Kamrı» avtokóliginiń júrgizýshisi «Hıýndaı Solarıs» kóligin basyp ozbaq bolyp, qarsy baǵytqa shyǵyp ketedi. Sonyń saldarynan «Toıota Kamrı» avtokóligi baǵytyn ózgertip, qarsy baǵytta shyǵyp, «Vaz- 21099» avtokóligimen soqtyǵysty.
«Jol kólik oqıǵasy saldarynan «Toıota Kamrı» avtokóliginiń júrgizýshisi alǵan jaraqaty saldarynan jedel járdem kóliginde qaıtys boldy. Al «Vaz-21099» kóliginiń júrgizýshisi oblystyq jedel járdem aýrýhanasyna jetkizilip, medtsınalyq kómek kórsetilgen soń úıine ketken. Osy oqıǵaǵa qatysty tergeý amaldary júrgizilýde», -dedi oblystyq PD baspasóz qyzmetiniń jetekshisi Erbolat Sarqulov.
