Aqtóbede alaıaqtyq jasady degen kúdikpen eki áıel izdestirilip jatyr
AQTÓBE. QazAqparat – Aqtóbede asa iri kólemde alaıaqtyq jasady degen kúdikke ilingen Janar Ermaǵambetova men Nazgúl Ábishevaǵa izdeý jarııalandy, dep habarlaıdy QazAqparat tilshisi.
Aqtóbelik Janar Ermaǵambetova turǵyndardyń senimine kirip, qurylys materıaldaryn jetkizip berýge ýáde etken. Aldaý jáne senimge qııanat jasaý arqyly olardyń qomaqty aqshasyn qaltasyna salyp, iz-túzsiz joǵalyp ketti.
«Ótken jyly kirpish alý úshin jeke kásipker Janar Ermaǵambetovaǵa 1,1 mıllıon teńge berdik. Arada kelisimshart jasaldy. Kelisim boıynsha 2020 jyldyń mamyr aıynda bizge qurylys materıalyn jetkizip berýi tıis edi. Týysymyz da 985 myń teńge berdi. Túbirtek qolymyzda bar. Karantın kezinde kirpish jetkizilmegenin aıtyp, kúte turýdy surady. Birer aıdan soń baılanyssyz qaldy. Polıtsııaǵa barlyǵy 40-tan astam adam aryz jazdy. Biz habaryn kútip júrmiz», - dedi jábirlenýshilerdiń biri Aınur Yhsanova.
Sonymen birge polıtsııa 54 jastaǵy Nazgúl Ábishevaǵa izdeý jarııalady. Polıtsııa qyzmetkerleri olardy kórgen-bilgen adam bolsa 102 nemese 51-38-37, 52-05-14 telefon nómirleri boıynsha habar berýin suraıdy.
