Aqtóbede alaıaq áıel kásipkerlerdiń 56 mln teńgesin ıemdenip ketken
AQTÓBE. QazAqparat - Aqtóbelik polıtseıler 6 kásipkerden iri kólemde aqsha jymqyrǵan 33 jastaǵy áıeldi ustady, dep habarlaıdy QazAqparat tilshisi.
Kúdikti kásipkerlerdiń senimine kirip, aldaý arqyly iri somadaǵa aqshalaryn ıemdengen. Birine tenderden utýǵa áýde etse, taǵy birine jumysqa ornalastyratynyn aıtqan. Ol 2019 jyldyń jeltoqsanynda 8 mln teńgeni qaltasyna basqan. Sol aıda taǵy eki kásipkerdi aldap, 8 jáne 7,8 mln teńge kóleminde aqsha jymqyrǵan.
«Al 2020 jyldyń qańtar aıynda Aqtóbe qalasynyń 37 jastaǵy kásipkerinen 32,2 mıllıon teńge aldy. Ol tender baıqaýyn jeńip berýge ýáde etken. Barlyq derek boıynsha tergeý bastaldy. Qylmystyq kodekstiń «Alaıaqtyq« baby boıynsha sotqa deıingi tergeý júrip jatyr», - dedi oblystyq PD baspasóz qyzmetiniń jetekshisi Erbolat Sarqulov.
