Aqtóbede alaıaq áıel 12 zeınetkerdiń altyn syrǵasyn sheship alǵan
AQTÓBE. QazAqparat - Aqtóbede zeınetkerlerdi aldaǵan 50 jastaǵy áıel ustaldy, dep habarlaıdy QazAqparat tilshisi.
Aqtóbe oblystyq polıtsııa departamentine zeınetkerlerden shaǵym kóbeıdi. Kóshede beıtanys áıel kórshi, tanysy dep amandasyp, syrǵasynyń sheshilip ketkenin, taǵýǵa kómektesetinin aıtyp, tonap ketken.
«Aqtóbe polıtsııasy 50 jastaǵy kúdiktini ustady. Ol buryn da osy isi úshin sottalǵan. Barlyǵy 12 jábirlenýshi tanyp otyr. Aldaǵy ýaqytta olardyń qatary artýy múmkin. Dál osy jolmen aldanǵandardyń habarlasýyna bolady», - dedi oblystyq PD baspasóz qyzmetiniń jetekshisi Erbolat Sarqulov.
