Aqtóbede aqtútek boran: birneshe jol jabyldy
AQTÓBE. QazAqparat – Aqtóbede jel kúsheıip, boran soǵyp tur. Birneshe jol jabyldy, dep habarlaıdy QazAqparat tilshisi.
22 qańtar saǵat 13:45-te Aqtóbe – Orsk tasjoly jabyldy. Sonymen qatar Samara – Shymkent tasjolynyń Bekqul baba aýylynan Hromtaý qalasyna deıingi aýmaǵyna ýaqytsha shekteý qoıyldy.
«Aýa raıy kúrt buzylyp, jel kúsheıdi. Boran qatty. Qazir Aqtóbe – Atyraý – Astrahan tasjolynyń Alǵa qalasynan Atyraý oblysy shekarasyna deıingi aralyǵy, Soltústik aınalma jol, Qandyaǵash — Embi — Shalqar — Yrǵyz baǵyty jabyldy», - dedi oblystyq TJD baspasóz qyzmeti.
