Aqtóbede aqsha bopsalaǵan stýdentter ustaldy
AQTÓBE. KAZINFORM – Aqtóbede 18 jastaǵy jigitterdi qorqytyp, aqsha bopsalaǵan úsh stýdent ustaldy. Polıtsııa olardy dáris zalynan alyp shyqty.
Aqtóbe oblystyq Polıtsııa departamenti baspasóz qyzmetiniń habarlaýynsha, stýdentter 18 jastaǵy eki jigitten 100 myń teńgege jýyq aqsha bopsalaǵan. Kúdikke úsh stýdent ilikti.
- Polıtsııa qyzmetkerleri stýdentter arasyndaǵy quqyq buzýshylyqtyń aldyn alý maqsatynda kúdiktilerdi ýnıversıtettegi dáris barysynda ustady. Bopsalaý faktisi boıynsha sotqa deıingi tergep-tekserý júrgizilip jatyr. Ustalǵandar kinásin moıyndady. Kúdiktiler ýaqytsha ustaý ızolıatoryna qamaldy,- dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.
Eske salsaq, Aqtóbe qalasynda emshige qatysty Qylmystyq kodekstiń «Alaıaqtyq» babymen is qozǵalyp, tergeý júrip jatyr. Sot 2 aı qamaýda ustaý týraly sanktsııa berdi.