Aqtóbede AITV juqtyrǵandar táýipterdi jaǵalap júr
AQTÓBE. QazAqparat - Aqtóbede jyl basynan beri 4 adamnan AITV anyqtaldy. Olardyń arasynda nashaqor men gomoseksýal bar. Naýqastar arnaıy mekemeden tegin dári-dármek almaı táýipterge qaralýyn toqtatar emes, dep habarlaıdy QazAqparat tilshisi.
Bir jyl ishinde Aqtóbede AITV juqtyrǵan 40 adam tirkeldi. Olardyń úsheýi sheteldik azamat, bireýi azamattyǵy joq adam. Dert juqtyrǵandardyń basym bóligi er adamdar.
«AITV kóbine jynystyq jolmen juǵady. Nashaqorlar arasynda da tez taralady. Bir qıyny, ótken jyly 20-29 jas aralyǵyndaǵy jastardyń sany artyp, AITV derti anyqtalǵandardyń 47 paıyzyn qurap otyr. Naýqastar arnaıy mekemelerde beriletin tegin dári-dármekti paıdalanbaı, óz betimen qazaqy emdi jaǵalap ketedi. Emshilerge baryp, shópten daıyndalǵan tunbalardy ishedi. Ókinishtisi, olar tek ýaqyt ótkizip jatyr»,- deıdi «Aqtóbe Arasan» JShS profılaktıkalyq bólim meńgerýshisi Aıjan Jaılaýbaeva.
Aıta keteıik, Aqtóbede AITV juqtyrǵan 298 naýqas tirkelgen. Olardyń 60-y shetel azamaty.
