Aqtóbede aǵyn sýlardy tógýge talon júıesi engizildi
AQTÓBE. QazAqparat - Aqtóbede káriz sýyn tógýge arnaıy talon júıesi engizildi. Buǵan deıin aı saıyn 15 myń teńge tóleıtin assenızator ıeleri endi ár tekshe metrine 71,84 teńge berýi tıis, dep habarlaıdy QazAqparat tilshisi.
Aqtóbe qalasynda káriz sýyn tógý stantsııalary jańaryp, 1-qazannan bastap talon júıesi engizildi. Sebebi, úsh qabyldaý pýnktin salý úshin 300 mıllıon teńge jumsaldy.
«Buryn káriz sýy esepke alynbaı, tólem aı saıyn bir baǵamen qabyldandy. ıAǵnı, ár assenızator káriz jelisine qansha aǵyn sý quıǵanyn bilmedik. Esesine bári tek 15 myń teńge tólep, halyqqa óz qajetinshe qyzmet kórsetti. Sondyqtan bir tekshe metri 71,84 teńge bolyp bekitildi. Mysaly, 1-azannan bastap úsh tekshe metrli assenızator mashınasy úshin talon quny 215 teńgeni qurady»,- dedi «Aqbulaq» AQ vıtse-prezıdenti Tımýr Babanaev.
Aıta keteıik, barlyq káriz stantsııalarynda beınebaqylaý bar. Qabyldaý kezinde zańsyzdyqtarǵa jol berilmeıdi. Negizi talon júıesin engizý osy jyldyń maýsym aıyna josparlanǵan bolatyn. Alaıda assenızator ıeleri aryz jazyp, Aqtóbe oblystyq tabıǵı monopolııalardy retteý jáne básekelestikti qorǵaý basqarmasyna shaǵymdanýǵa múmkindik berildi. Tekserý nátıjesi boıynsha kásipkerlerdiń quqyǵy buzylmaǵany anyqtaldy.
