Aqtóbede ádilet departamenti ǵımaratyna tyıym salyndy
Basylymnyń habarlaýynsha, «Aqtóbe ÁKK» qaryzy esebine ǵımaratty 340 mıllıon teńgege baǵalaǵan. Oblystyq máslıhat qujattary boıynsha, «Aqtóbe ÁKK» nesıelik qaryzy - 660 mıllıon teńge (2015 jyldyń qorytyndysy boıynsha). Qaryz 2011-2014 jyldary jınalǵan. Kompanııanyń barlyq esepshoty men múlkine tyıym salyndy.
Bıylǵy tamyz aıynda «Aqtóbe ÁKK» esepshottary men múlkine salynǵan tyıym alyndy. Biraq ÁKK teńgeriminde bolǵan ádilet departamentine salynǵan tyıym óz kúshinde. Ony qaryzdy jabý úshin qoldanýy da múmkin. Sot sheshimi boıynsha, áleýmettik-kásipkerlik korporatsııanyń qaryzy 387 mıllıon teńge.
«2015 jyly táýelsiz aýdıttiń aıtýynsha, ÁKK shyǵyndary 250 mıllıon teńge bolǵan. Sonymen birge ÁKK ǵımaratty jylyna 12,5 mıllıon teńgege jaldaǵan. 2015 jyldyń sońynda 5,5 mıllıon teńge qaryz paıda bolǵan», - dep jazdy basylym.