Aqtóbede adam bopsalaýmen aınalysqan stýdentter ustaldy

ASTANA. KAZINFORM - Aqtóbede adam bopsalaýmen aınalysqan stýdentter toby quryqtaldy, – dep habarlaıdy Polisia.kz. 

Aqtóbe oblysy PD uıymdasqan qylmysqa qarsy kúres basqarmasynyń qyzmetkerleri jedel is-sharalar barysynda oblys ortalyǵynyń aýmaǵynda adam bopsalaýmen aınalysqan oqý oryndary biriniń stýdentterinen quralǵan qylmystyq topty ustady.

Kúdiktiler kúsh kórsetip qorqytyp, Aqtóbe qalasynda kolledj stýdentinen iri kólemde aqsha bopsalaǵan.

Kúdiktiler jedel-izdestirý is-sharalaryn júrgizý barysynda aqshalaı qarajatty alǵannan keıin ustaldy.

Adamdar toby bolyp jasaǵan bopsalaý faktisi boıynsha sotqa deıingi tergep-tekserý júrgizilip jatyr. Mundaı qylmys úshin 7 jylǵa deıin bas bostandyǵynan aıyrý jazasy kózdelgen.

Ustalǵandar kinásin moıyndap, tergeý amaldary júrgizilgennen keıin ýaqytsha ustaý ızolıatoryna qamaýǵa alyndy.

Qazirgi ýaqytta shabýyldaýshylardyń osyǵan uqsas basqa qylmystarǵa qatysynyń bar-joǵyn tekserip jatyr.