Aqtóbede 93 jastaǵy zeınetker vaktsına saldyrdy
AQTÓBE. QazAqparat – Aqtóbe oblysy, Qarǵaly aýdanynyń turǵyny Vladımır Fılıpp vaktsına saldyrdy, dep habarlaıdy QazAqparat tilshisi.
Aqtóbe oblysy boıynsha koronavırýs ınfektsııasyna qarsy vaktsınanyń birinshi komponentin 27 myńnan astam adam qabyldady. Al ekinshi komponentti 6 myń adam aldy.
«Men 1928 jyly Ýkraınada ómirge keldim. Bizdi Qazaqstanǵa jer aýdaryp jiberdi. Sodan beri osy jerde turamyn, eńbek ettim. Vaktsınany óz erkimmen qabyldadym. Alǵashqy komponentin alǵan kezde esh áserin sezbedim. Dene qyzýym da kóterilmedi. Bári de vaktsına alǵan jón dep sanaımyn. Dárigerlerge alǵysymdy aıtamyn. Ózgelerge de ekpe qabyldaýǵa keńes beremin», - dedi zeınetker Vladımır Fılıpp.
