Aqtóbede 9 jastaǵy bala pnevmonııadan kóz jumǵan bolýy múmkin
AQTÓBE. QazAqparat – Aqtóbede 9 jastaǵy bala aýrýhanada kóz jumdy. Komıssııa tekserýdi bastady, dep habarlaıdy QazAqparat tilshisi.
«Ókinishke qaraı bala ólimi tirkeldi. Naqty dıagnozy áli qoıylǵan joq. Pnevmonııa bolýy múmkin. Qazir arnaıy komıssııa jumys istep jatyr. Balanyń ishi aýyryp, qusqan. Dárigerler qarap, em qabyldady. Aldymen aýdandyq aýrýhanada em alyp, keıin oblystyq aýrýhanaǵa jetkizildi. Infektsııalyq aýrýhanada oǵan pnevmonııa dıagnozy qoıyldy. PTR test alyndy, koronavırýs ınfektsııasy anyqtalmady», - dedi oblystyq densaýlyq saqtaý basqarmasynyń basshysy Bekbolat Іzbasarov.
