Aqtóbede 9 jasar balyqshy adasyp, Reseı aýmaǵyna ótip ketken
AQTÓBE. QazAqparat - Aqtóbede mektep oqýshysy balyq aýlaýǵa ketip, Reseı shekarasyna ótip ketken, dep habarlaıdy QazAqparat tilshisi.
Oqıǵa 23 mamyr kúni saǵat 02:00 shamasynda tirkeldi. Mártók aýdandyq polıtsııa bólimine Voznesenovka aýylynyń turǵyny telefon shalyp, 9 jasar balasynyń balyq aýlaýǵa ketip, qaıa oralmaǵanyn aıtqan.
«Polıtsııa qyzmetkerleri tez arada birneshe izdeý tobyn quryp, túni boıy aýyldaǵy sý jaǵalaýlaryn tekserdi jáne jan-jaqqa baǵyt-baǵdar joldandy. Tańerteń polıtsııanyń kezekshi bólimine osy aýyldan 5 shaqyrym qashyqtyqta ornalasqan Reseıdiń shekara qyzmetinnen habar tústi. Olar balany Reseı Federatsııasy aýmaǵynan taýyp alǵan jáne oǵan tamaq berip, kıindirip, polıtsııa qyzmetkerleri men ata-anasyna tabystaǵan», - dep habarlady oblystyq PD baspasóz qyzmeti.
Aıta keteıik, kishkentaı balyqshy birneshe dosymen aýyl mańyndaǵy sý toǵanyna barǵan. Bári úıine oralyp, 9 jasar bala ózi qalǵan. Kesh qaraıa úıine shyqqanymen, jolda adasyp ketken.
