Aqtóbede 89 mln teńgeni talan-tarajǵa salǵan telearna qyzmetkerleri sottaldy

AQTÓBE. QazAqparat – «Qazaqstan» RTRK» AQ-nyń Aqtóbe fılıalynda bas esepshi, esepshi, zańger sottaldy. Ol 2018-2021 jyldar aralyǵynda 89 mln teńgeden astam qarjyny talan-tarajǵa salǵan, dep habarlaıdy QazAqparat tilshisi.

Іs Aqtóbe qalasy №2 sotynda qaraldy. «Aqtóbe» telearnasynyń bas esepshi, esepshi, zańgerine Qylmystyq kodekstiń «Senip tapsyrylǵan bóten múlikti ıemdenip alý nemese talan-tarajǵa salý» baby boıynsha aıyp taǵyldy. Іs materıalyna súıensek, 2018 jyldyń aqpanynan 2021 jyldyń jeltoqsan aıyna deıin «Qazaqstan» RTRK» AQ Aqtóbe fılıalynyń bas esepshisi, satyp alý jónindegi zańgeri esepshi baǵdarlamalardy túsirýge, is-sharalardy uıymdastyrýǵa, sýrdoaýdarma jasaýǵa, merekelik baǵdarlamalardy ótkizýge, dezınfektsııalaýǵa, dekoratsııaǵa qajetti qyzmetterdi kórsetti, dep jalǵan tólem operatsııalaryn jasaǵan. Barlyǵy 89 mln teńgeden astam materıaldyq zalal keltirgen. Sot otyrysy kezinde bas esepshi men zańger óz kinásin moıyndamady, al esepshi ishinara moıyndady.

«Prokýror bas esepshi men zańgerdi 8, al esepshini 7 jyl merzimge bas bostandyǵynan aıyrý túrindegi jaza taǵaıyndaýdy, olardy ómir boıyna kommertsııalyq jáne memlekettik uıymdarda 10 jylǵa basshy laýazymdardy atqarý quqyǵynan aıyrýdy surady. Іsti qaraý kezinde zańger basqa bireýdiń senip tapsyrylǵan múlkin ıemdenýge kómektesýshi dep saralandy.​ Sot úkimimen sottalýshylarǵa kommertsııalyq jáne memlekettik uıymdarda basshy laýazymdardy atqarý quqyǵynan ómir boıyna aıyryla otyryp, 7 jyl merzimge bas bostandyǵynan aıyrý túrindegi jaza taǵaıyndaldy. Keltirilgen zalal sottalǵandardan ortaq tártippen óndirildi»,- dep habarlady Aqtóbe qalasy №2 sotynyń baspasóz qyzmeti.

Sot úkimi zańdy kúshine engen joq.