Aqtóbede 850 metr dastarqan jaıyldy
Aqtóbe qalasynda Naýryz merekesi keń kólemde atap ótilip jatyr. Qalanyń Ábilqaıyr han dańǵyly jabylyp, meıramhanalar men orta oqý oryndary turǵyndar men qonaqtarǵa 850 metr dastarqan jaıdy. Búgin barlyǵy 4,1 myń lıtr Naýryz kóshe berilip, 6,8 tonna palaý taratyldy. Sonymen qatar, 7,5 tonna baýyrsaq úlestirildi.
«Búgingi kúnge arnaıy daıyndalyp, kóje pisirildi. Ujym 200 lıtr kóje, 50 keli baýyrsaq daıyndady. Naýryz ulyq mereke bolǵan soń biz qaladaǵy sharaǵa belsene qatysyp, dastarqan jaıamyz. Al aqtóbelikterdiń belsendiligi joǵary. Olar ulttyq astan dám tatyp, bizge alǵysyn bildirip jatyr»,- dedi Aqtóbe kooperatıv kolledjiniń ókili Ásııa Almasqyzy.
Aqtóbelikter úshin arnaıy at arbalar qyzmet kórsetti. Balalar serýendep, qalanyń ortalyq kóshelerimen júrdi. Sonymen qatar, ponı, túıe, at sekildi janýarlarǵa minýge múmkindik berildi.
«Jasym 84-ke keldi. Jyl saıyn Naýryzda kóshege shyǵyp, halyqpen birge júremin. Bıyl ıt jyly kirip jatyr. Halqymyzǵa tynyshtyq, birlik tileımin»,- dedi qala turǵyny Muhambet Moldaǵazyuly.
