Aqtóbede 820 myń gektardan astam jerde shegirtkege qarsy óńdeý jumysy júrgizildi
AQTÓBE. KAZINFORM – Aqtóbe oblysynda 820 myń gektardan astam jer óńdeldi. Ásirese Reseımen shekaralas aýdan aýyldarynda dernásilder tabylyp, ýlandy.
Aqtóbede shegirtkege qarsy kúres jumysy mamyr aıynda bastaldy. Sol kezde 777 myń gektar jer óńdelýi tıis boldy.
- Úıirli shegirtke boıynsha 777 myń gektarǵa josparlanyp, jospar artyǵymen oryndaldy. 822 myń gektar jer óńdeldi. Ýlaý jumystaryna búrikkish kólik, 15 gazgenerator, 6 dana AN-2 ushaǵy jumyldyryldy, - dedi Aqtóbe oblystyq aýyl sharýashylyǵy jáne jer qatynastary basqarmasy basshysynyń orynbasary Aıbat Erbazıev.
Aqtóbe oblysy boıynsha qazir óńdeý jumysynyń negizgi bóligi aıaqtaldy. Eger sharýalar men aýyl turǵyndarynan qandaı da bir habarlasa tússe, qajetti tehnıka men shashatyn ý bar.
- Oblystyń 12 aýdanynda shegirtkege qarsy óńdeý jumysy júrgizildi. Kóbi Áıteke bı, Yrǵyz, Shalqar, Hromtaý aýdandarynda tirkeldi. Reseımen shekaradaǵy aýdandar da ýlaý jumysy atqaryldy. Shegirtkeniń damýy men ushýy aýa raıyna baılanysty ekeni belgili. Kún salqyn, jańbyrly bolsa jasyrynyp jatady. Ysyp, kún shyqqan kezde ushady. Bıyl maýsymda kún salqyn boldy. Onyń da óz áseri bar. Jalpy qazir negizgi óńdeý jumysy aıaqtaldy. Barlyǵy 2 aıdan astam ýaqyt boıy bar jumys atqaryldy, - dedi QR AShM Agroónerkásiptik keshendegi memlekettik ınspektsııa komıtetiniń Aqtóbe oblystyq aýmaqtyq ınspektsııasynyń basshysy Dastan Saǵyrov.
Al Respýblıkalyq fıtosanıtarııalyq dıagnostıka jáne boljamdar ádistemelik ortalyǵy Aqtóbe oblystyq fılıalnyń basshysy Garıfýlla Jolaevtyń aıtýynsha, maýsym-shilde aılarynda Reseıden shegirtkeniń ushyp ótý derekteri tirkelgen.
- Reseıdiń Dombarovka, ıAsnyı aýyldarynan Áıteke bı aýdany Jambyl aýyldyq okrýgine maýsym aıynda, Svetlyı aýylynan T.Júrgenov aýylyna, Qumqudyq, Áıke aýyldaryna maýsym, shilde aılarynda birneshe ret ıtalııalyq shegirtke dernásilderi ótti. Sonymen birge shegirtke ushqan kezde de shekaradan ótý deregi anyqtalyp, akt jasaldy, - dedi Garıfýlla Jolaev. Onyń aıtýynsha, tek bir aýdanda ǵana osyndaı derek tirkelip, ýlaý jumysy dereý júrgizildi.
Aıta keteıik, qazirgi kezde shegirtke jumyrtqa salyp jatyr. Mamandar morfometrııasyn alyp, zerthanada tekserý júrgiziledi. Bul keler jylǵa boljam jasaýǵa múmkindik beredi.
