Aqtóbede 8 teatr respýblıkalyq festıvalge qatysýda

Oǵan Astana, Almaty qalalarynan, Atyraý, Mańǵystaý, Qaraǵandy, Soltústik Qazaqstan oblystarynan kelgen barlyǵy 8 teatr qatysýda. Qazaqstan Respýblıkasy Mádenıet jáne sport mınıstrligi Aqtóbe oblysynyń ákimdigimen birlesip, 2016 jyldyń 12-16 qyrkúıek aralyǵynda Aqtóbe qalasynda Qazaqstan drama teatrlarynyń HHІV respýblıkalyq festıvalin ótkizýde, dep jazady «Aqtóbe» gazeti. 

Qazylar alqasynyń tóraǵasy - akter, ónertaný magıstri, Qazaqstan Jastar odaǵy syılyǵynyń laýreaty, Qazaqstannyń eńbek sińirgen qaıratkeri, M.Áýezov atyndaǵy Qazaq memlekettik akademııalyq drama teatrynyń dırektory Erlan Bilál. Qazylar alqasy quramynda teatrtanýshy, ónertaný kandıdaty, Qazaqstannyń eńbek sińirgen qaıratkeri, professor, dotsent, T.Júrgenov atyndaǵy Qazaq ulttyq óner akademııasynyń teatr óneriniń tarıhy jáne teorııasy kafedrasynyń meńgerýshisi Sánııa Qabdıeva,  jýrnalıst, kınodramatýrg, «Daryn» memlekettik Jastar syılyǵynyń, Táýelsiz «Tarlan» syılyǵynyń laýreaty, Qazaqstannyń eńbek sińirgen qaıratkeri Dıdar (Amantaı) Qosylbekov, Qazaqstannyń eńbek sińirgen qaıratkeri, Qazaqstan halqy Assambleıasy Keńesiniń múshesi, respýblıkalyq memlekettik koreı mýzykalyq komedııa teatrynyń dırektory, professor Lıýbov Nı, T.Júrgenov atyndaǵy Qazaq ulttyq óner akademııasy sahna tili kafedrasynyń meńgerýshisi Darıǵa Turanqulovalar bar.

Aldymen qazylar alqasy men festıvaldi uıymdastyrý komıtetiniń músheleriniń qatysýymen baspasóz máslıhaty ótti. Odan soń Qazaqstan drama teatrlary HHІV respýblıkalyq festıvaliniń saltanatty ashylý rásimi boldy.
Ashylý saltanatynan keıin Soltústik Qazaqstan oblystyq S.Muqanov atyndaǵy qazaq mýzykalyq-drama teatry Q.Tolybaıulynyń «Daýylpaz baba - Qojabergen» (rejısseri Batyrbek Shambetov) spektaklin kóptiń nazaryna usyndy.
Atyraý oblystyq Mahambet atyndaǵy qazaq drama teatry Sh.Aıtmatovtyń «Máńgúrt» dramasyn qoıady. Al, T.Ahtanov atyndaǵy Aqtóbe oblystyq drama teatrdyń qazaq trýppasynda  rejısser Dına Jumabaeva qoıǵan N.Gogoldiń «Úılený» komedııasy bolady.
T.Ahtanov atyndaǵy Aqtóbe oblystyq drama teatrynyń orys trýppasynda  rejısser Tatıana Lýkomskaıa qoıǵan F.Dostoevskııdiń «Dıadıýshkın son» komedııasy festıvalden tys kórsetiledi.
S.Seıfýllın atyndaǵy Qaraǵandy oblystyq qazaq drama teatry (rejısseri Dýnaı Espaev) D.Isabekovtiń «Ókpek jolaýshy» dramasyn usynady.
Q. Qýanyshbaev atyndaǵy memlekettik akademııalyq qazaq mýzykalyq drama teatrynyń A.Chehovtyń «Shıe» komedııasyn (rejısseri Sergeı Potapov), N.Jantórın atyndaǵy Mańǵystaý oblystyq mýzykalyq drama teatrynyń Ý.Shekspırdiń «Gamlet» tragedııasyn (rejısseri Gúlsına Merǵalıeva) beredi.
Astana qalasynyń Jastar teatry Jan-Per Pılo jáne Olıve Shýltezdiń «Motsart» mıýzıklin (rejısseri Nurqanat Jaqypbaı), respýblıkalyq nemis drama teatry Ánnas Baǵdattyń «Na Zemle» («Rýh») spektakl-lektsııasyn (rejısseri Eslam Nurtazın) usynady.
Juma kúni Qazaqstan drama teatrlarynyń HHІV respýblıkalyq festıvaliniń saltanatty jabylýy (jeńimpazdardy marapattaý rásimi) bolady.