Aqtóbede 8 klýb jabylyp qaldy

Aqtóbe oblysynda barlyǵy 199 klýb bar. Onyń tórteýi jekeniń, ıaǵnı, iri óndiris oryndaryna tıesili mádenıet oshaǵy. 90 jyldary óńirde barlyǵy 500-ge jýyq klýb bolatyn bolsa, qazirde olardyń sany 2 esege qysqaryp, aýyl halqynyń barar jeri, kórer qyzyǵy qalmady.

«Bıyl Hromtaý men Temir aýdandarynda klýb jabyldy. Segiz klýbtyń ǵımaraty apatty jaǵdaıda turdy, keıbiriniń klýb meńgerýshisi bolǵanymen ǵımaraty múlde joq edi. Qazir de ǵımaraty joq klýbtar jumys isteıdi. ıAǵnı, qyzmetker mektepte otyryp sol aýyldaǵy mádenı sharalardyń bárin uıymdastyrady. Aýylǵa klýb qajet. Mektep salǵan kezde tıptik klýb salsa ol el ishindegi mádenıetti kóterýge, aýyzbirshilikti saqtap qalýǵa kómekteser edi. Aýyl úlkenderi men jastarǵa da bas qosatyn qajet ǵoı»,- dedi Halyq shaǵarmashylyǵy úıiniń qyzmetkeri Gúlnar Seıtalına.

Aıta keteıik, Aqtóbeniń aýyldaryndaǵy klýbtarda kompıýter joq, olar ınternetpen jumys isteı almaıdy. Meńgerýshiler ótkizgen sharalarynyń barlyǵy uıaly telefonǵa túsirip, óz eńbegin kórsetýdi oılaıtyn qyzmetkerler sol arqyly halyqqa kórsetip jatady. Klýb qyzmetkerleri úshin arnaıy ádisteme daıyndalmaıdy, elimiz boıynsha biryńǵaı júıe joq. Eger bir aýdanda kóshe kúnderi ótse, Halyq shyǵarmashyǵy úıi sol ádisti basqa aýdandarǵa úlgi etedi.

«Aýdandardaǵy mádenıet oshaqtarynyń jaǵdaıy, damýy tikeleı ákimderge, sol klýb basshylyǵyna baılanysty. Ákimdik qoldaý kórsetse, mádenıet qyzmetkerleriniń de eńsesi tikteledi. Aýyl klýbynda saýsaqpen sanarlyq adam jumys isteıdi. Keıde eden jýýshyny kıim tigetin qabiletimen, kúzetshini sýret salatyn ónerimen jumysqa alady. Bir sózben aıtqanda besaspap adamdar aýylda eńbek etip, az ǵana aqshaǵa janyn salyp júr. Ókinishtisi, klýb buryn ıdeologııanyń naq ortasy bolsa, qazir qarapaıy kontsert uıymdastyratyn orynǵa deıin tómendedi»,- dedi G. Seıtalına