Aqtóbede 8 adamnyń óliminen soń júk kóliginiń júrgizýshisi eki aıǵa qamaldy

AQTÓBE. KAZINFORM - Hromtaý aýdandyq soty júk kóliginiń júrgizýshisin eki aı qamaýda ustaý týraly qaýly shyǵardy. Júrgizýshi Belarýs eliniń azamaty.

Búgin Hromtaý aýdandyq sotynyń tergeý sýdıasy júk kóliginiń júrgizýshisine qaýly shyǵardy.

- QR Qylmystyq kodekstiń 345-babynyń 4-bóliginde kózdelgen qylmysty jasady dep kúdik keltirilgen azamat S.-ǵa qatysty tergeý organdarynyń kúzetpen ustaý túrindegi bultartpaý sharasyn sanktsııalaý jónindegi ótinishhaty qanaǵattandyryldy. Sot tergeý ýaqytynda eki aı merzimine, ıaǵnı, 7 qazanǵa deıin kúzetpen ustaý túrindegi bultartpaý sharasyn sanktsııalady. Qaýly zańdy kúshine engen joq,- dep habarlady Aqtóbe oblystyq sotynyń baspasóz qyzmeti.

Aıta keteıik, 7 tamyz kúni Samara-Shymkent tasjolynda jeńil jáne júk kóligi soqtyǵysty. Saldarynan 8 adam kóz jumdy. Іshinde Mańǵystaý oblysyndaǵy týrnırge bara jatqan balalar men ata-ana ári jattyqtyrýshy bolǵan.

Osydan keıin oblystyq jumys toby quryldy. Oǵan oblys ákiminiń orynbasary Joldas Batyrhan basshylyq etedi.