Aqtóbede 750 shaqyrymnan astam jol jóndeledi

AQTÓBE. QazAqparat - Aqtóbede 752 shaqyrymnan astam joldy jóndeýge 32,3 mlrd teńge jóndeledi, dep habarlaıdy QazAqparat tilshisi.

Óńirde jalpy somasy 32,3 mlrd teńgeni quraıtyn 201 joba júzege asyrylady.

Barlyǵy 752,7 shaqyrym avtomobıl joldary jóndeletin bolsa, onyń 95,8 shaqyrymy oblystyq, 512,4 shaqyrym aýdandyq, 144,5 shaqyrymy qalalar men aýdandardaǵy kósheler joly.

Nátıjesinde jyldyń qorytyndysy boıynsha jergilikti mańyzy bar avtokólik joldarynyń jaqsy jáne qanaǵattanarlyq jaǵdaıdaǵy úlesi 72 % quraýy kerek.

Oblys ákimi Ońdasyn Orazalın merdiger mekemelerdi anyqtaıtyn Memlekettik satyp alý baıqaýlaryn sáýir aıynan keshiktirmeı aıaqtaýdy tapsyrdy.

«Jol qurylysy bastalýy tıis ýaqytta barlyq joba boıynsha merdiger mekeme anyqtalýy kerek. Ýaqytty sozbańyzdar. Sapa, túpki nátıje soǵan baılanysty!»,- dep atap ótti Ońdasyn Orazalın.

Sondaı-aq, materıaldardy, onyń ishinde bıtýmdy kúni buryn daıyndaýdy tapsyrdy.

Jumystyń sapasyn qatań ári únemi baqylap otyrýdy, sonymen qatar, problemalyq nysandardy ýaqytynda aıaqtaýdy júktedi.